О русских нравах эпохи Петра Первого

С. Пуфендорф

О нравах и разуме народа россиискаго ничтоже вспоминати имеем, еже бы с великою их славою сопряжено было, ниже бо россиане тако суть устроены и политич­ны, яко же прочие народы европейские. В письменах же толь неискусны, яко в писании и прочтении книг совершенство учения полагают. Паче же и самые священницы толико суть грубы и всякого учения не причастны, яко токмо прочитавати едину и вторую божественнаго писания главу, или толкование евангельское умеют — больше же ничто же знают. Зазорны же и невоздержательны суть, свирепы и кровежаждущие человецы, в вещех благополучных безчинно и нестерпи­мою гордостию возносятся; в противных же вещех ни­зложенного ума и сокрушенного. Обаче сами о себе высоко мнящие, ниже высокоумие их всяким, хотя и великим почитанием удоволитися может. Ко прибыли и лихве, хитростно собираемой, никий же народ паче удо­бен есть. Рабский народ рабски смиряется, и жестокостию власти воздержатися в повиновении любят, и якоже все игры в боях и ранах у них состоятся, тако бичев и плетей у них и частое есть употребление.

Введение в историю европейскую.//Цит. по: Пыпин А.Н./7 История русской литера­туры. В 4 Т. СПб. Т. 3. 1911. С. 284.